Dantzariak Andikona plazan elkartuko dira, 17:30ean, eta familia argazkiak aterako dituzte. Ondoren, 18:00 inguruan, kalejiran irtengo dute, Andikonatik herriko plaza nagusiraino. Plazan, talde bakoitzak bere tokia hartu eta denen artean dantza saioa egingo dute, ikuskizuna jarraitzera bertaratzen direnen gozagarri. Dantzari Dantza eta Erregelak dantzatuko dituzte. 

Erromeria
Dantza saioaren ondoren, luntxa egongo da parte hartzaileentzat. Azkenik, diskofestak eta plaza dantzek girotuko dute iluntzea, eguna dantzan agurtzeko.